ЛЕНТА

Выставка «Буквары народаў свету»

категория:  События Беларуси 26-04-2018, 15:54
Поделиться в соцсетях: Загрузка, подождите...

Выставка «Буквары народаў свету»

 

 

1400 незвычайных буквароў прадстаўлены ў Нацыянальнай бібліятэцы!



26 красавіка 2018 года ў Нацыянальнай бібліятэцы Беларусі адкрылася міжнародная выстава «Буквары народаў свету».

 

Выстава прымеркаваная да знамянальнай даты – 400-годдзя выдання першай у свеце кнігі пад назвай «Буквар», якая, дарэчы, была падрыхтавана нашымі продкамі. Экспазіцыя прадстаўляе разнастайнасць варыяцый самай першай кнігі для навучання грамаце ў розных краінах.

 

Упершыню ў Беларусі прадстаўлена каля 1400 буквароў на 587 мовах самых розных народаў пяці частак свету – Еўропы, Азіі, Амерыкі, Афрыкі, Аўстраліі і Акіяніі. Кожны экспанат з’яўляецца мініяцюрнай энцыклапедыяй, у якой у нагляднай і займальнай форме падаюцца веды пра гісторыю, геаграфію, культуру свайго народа.

 

Аснова экспазіцыі − ўнікальная прыватная калекцыя буквароў і азбук латвійскага педагога, аўтара буквароў і кніг пра народы свету і іх мовы, калекцыянера Юрыса Цыбульса, якая налічвае больш за 10 000 выданняў больш чым на 1000 мовах. Гэта найбуйнейшая падобная калекцыя ў свеце.

 

Асаблівае месца займаюць беларускія кнігі для навучання грамаце XVI–ХХІ стст. з фондаў Нацыянальнай бібліятэкі Беларусі. Розныя па складзе, графіцы, мастацкім афармленні, педагагічных прыёмах навучання, яны дэманструюць 400-гадовую гісторыю беларускага буквара.

 

 

Запрашаем наведаць выстаўку «Буквары народаў свету» да 15 верасня 2018 года. Дата заканчэння работы выстаўкі можа быць зменена!

 

 

Тэлефоны для даведак: (8 017) 266 37 37, 293 27 22.

Е-mail: pr@nlb.b

 

0
1
0
0
0
  • Комментариев: 0
  • |
  • Просмотров: 3859